沉晚老豆落左班后返来同我讲话佢地厂下个月开始要佢地上十二个钟,但系只系比佢地1450,仲有既就系吾系全部人都系上十二个钟,只系佢地留系度做个几个旧人,而新人呢,上八个钟有1250,佢话我知甘样好吾公平,吾想再做落去.

　　老豆已经准备56岁啦,我知道任何人遇到呢D事都会觉得吾公平,但系我觉得呢个社会就系甘吾公平,佢话比我知话想吾做,其实就系想我认同佢既讲法,或者如果我地屋企吾系而家甘既环境我应该都会支持佢吾好做,但系吾系,如果而家少左佢个份收入既话屋企分分钟都有可能只系食得到白饭甚至乎系食吾饱饭,既然事实系甘我就当然吾赞成佢吾做啦.再现实D既就系如果你而家真系吾做,出去即刻比你温到份工,都系十二个钟甘计算,人地有可能出得起1450呢个工资比你咩?虽然每个月你实收既只系1100左右,吾多,但系相对于出边呢讲,一个已经年近六旬既阿伯可以温到甘多算系甘尚下啦.

　　......

　　同佢讲完呢D野后,从佢既表情我知道佢嬲左我,因为我无去支持佢...老豆冲完凉后再次返入来想继续同我讲关于佢个份工既事,但系我知道我点同佢讲都好佢都吾会理解既,因为佢始终觉得人地甘样既安排系吾合理吾公平既,所以我索性蒙头大训,可能佢吾知道我想避开继续同佢倾呢件事啦,突然间佢系门口话我知如果真系要上十二个钟既话,系长期上夜班,无日班上,但系当佢入到离既时候见到我已经蒙头大训后就无继续讲啦.

　　系佢未话我知系长期要上夜班既时候我都觉得佢应该继续做落去,但系当我知道佢要长期上夜班既时候我又觉得我应该支持佢,因为对于一个老人家来讲,长期上夜班对身体十分之吾好,就算温多多钱都补吾返,如果老豆将呢个大前提讲左先既话,或者前边既争拗就吾会出现。

　　......

　　训觉啦，又系时候打个电话比老公啦。呢段时间佢病左，所以我都希望每次打电话比佢既时候佢能够乖乖地留系屋企，吾好四围去，点知我沉晚打电话比佢既时候佢吾系系屋企，至于系边我吾系太清楚，而佢话我知系系屋企，我当然知道佢讲大话啦，对于而家既我地离讲我觉得无甘既必要再去兜圈哄佢讲到底系系边啦，所以我直接同佢讲叫佢返屋企用屋企电话打比我，而佢沉晚系呢方面都好乖，两分钟吾到就打返电话比我啦，我问佢去左边，佢话我知系屋企外边同人地倾野，我问佢倾D乜野，佢话眼训想冲凉训觉啦，当时我觉得你同人系出边倾计就吾眼训，我问多你两句你就吾肯讲，即时我既脾气就离啦，我话佢你既然系眼训既话点解甘夜都吾返屋企冲凉训觉，仲要系出边同人地倾计，当再次问佢同人地倾乜野既时候，佢反问返我做乜要话你知，系一种理所当然既语气，听左呢句说话后我真系好心淡，本身对佢既关心佢已经吾在乎啦，到而家问下佢同人地倾D乜野，佢竟然会甘样答自己，我情愿佢讲个大话枙下我好过而家听到呢句令我甘难受既说话，问左佢几次后佢都系甘答我，我就话既然系甘我以后都吾会再问你，跟住就收左线。反反复复，来来去去，我同佢之间出现过好多感情、家庭问题，每一次好似都系要我去迁就佢，去打返电话比佢，我好想知道到底一直以来系咪都系我做错左呢？定系一直以来佢根本就吾在乎我，所以佢从来吾会打电话比我，或者系哄下我呢?以前既佢虽然都系吾多野讲，但系至起码我自己认为佢无乜野枙我，对我尚算坦白。而而家既佢呢，不但只长期枙我，甚至乎我觉得佢根本就吾在乎我。或者我真系入错行，亦都嫁错郎。

　　一直以来其实我知道我自己系好想要个BB，但系因为无钱无能力既关系一直以来都无要，而家既我年纪越来越大啦，随之出现既毛病亦越来越多啦，系时候要返个BB啦。熟悉我既人都知道我既婚姻生活并吾系太愉快，好多人都叫我暂时吾好生住，睇定D先，但系我知道我自己一定要生，因为我怕自己既体弱多病会出现一D我吾想佢出现既结果。

　　本来佢今晚系应承左我返过离既，但系沉晚距离而家刚好25个钟啦，吾好话返过离啦，连电话我都无接到一个。

　　今日落左班后要开销售人员培训会议，总台既人刚刚好一行坐晒系最生，吾坐埋一齐都吾知，原来总台最肥个个系我，无论系身体既边个部份都好，最圆既都系我，趁而家未有BB前或者我真系应该减下肥啦，如果迟D真系肥得太厉害既话可能我真系会被浮左出总台罗。

　　今日出左八十蚊外快钱，好想奖尝一下自己，决定去日日升买零食，甘岩表姐坐系我隔离，吾想行路去呀，所以多口问佢有无开车返离，睇下佢得吾得闲车我去日日升，一问之下，呵呵，有呀，而且愿意车我去...因为大家都有想食类似M记既野，所以一拍即合，去左K记食（佢有优惠券）。自从上次换班事件后到今日为止都无同佢再一齐出街行街食下野啦，坐底边食边倾可以有十来二十分钟挂，倾左都几多野，但系八九不离十都系关于做野个度D野啦。今朝上班个阵我就系度估到底有无人知道下个月换拍档既事呢？点知今日同表姐坐底一齐食野既时候佢就已经话左我知道，佢同佢拍档都已经知道啦......

　　我吾知道我自己同新个个拍档夹吾夹得来，但系我知道如果我再吾换拍档既话，会累死自己就系啦。至于新拍档方面，到时夹得到既咪做落去罗，夹吾到既咪换个个环境就系啦。

　　今晚训醒觉后觉得间房好乱呀，决定执一执佢。当执文件袋既时候罗返以前阿荣写比我既情信出离睇，一直以离我都吾系好敢罗出离睇，因为我惊自己又会谂埋D无聊野，可能系今晚我吾开心既关系啦，罗左出离睇，原来一直以离我都无睇清佢封信写左D乜野，今晚我终于睇清楚啦，其中一句系：“如果你每系好女仔既话，我会娶你为妻”。可能系因为佢追我既时候我已经同阿文开始左啦，所以对于佢写比我既情信我只系瞄左一瞄，无认真去睇，而家睇到再谂返起觉得自己真系好傻，如果当时睇到呢句既话，或者今日我既命运又完全吾同晒啦，因为我知道自己以前既谂法都系温个好老公，最好系有车、有屋既，而佢样样都符合我既条件，不过而家知又可以点呀，一切都已经成左定局，应该系话当我选择阿文时一切就已经成为左定局，系无得改变既定局。